ՍՏԵՓԱՆԱԿԵՐՏ, 8 փետրվարի. /Նովոստի-Արմենիա/. ՀՀ ԶՈՒ Գլխավոր շտաբի պետ, գեներալ-գնդապետ Յուրի Խաչատուրովն այցելել է Լեռնային Ղարաբաղ ԼՂՀ և ՀՀ միջև ռազմական համագործակցության ծրագրի շրջանակներում:
Ինչպես հայտնում է «Նովոստի-Արմենիա» գործակալույանը թղթակիցը Ստեփանակերտից՝ հղում անելով ԼՂՀ Պաշտպանության նախարարության մամուլի ծառայությանը՝ երկօրյա այցի ընթացքում ՀՀ ԶՈՒ գլխավոր շտաբի պետը դիտել է ԼՂՀ Պաշտպանության բանակի ստորաբաժանումների ցուցադրական պարապմունքները:
Խաչատուրովը ԼՂՀ պաշտպանության նախարար Մովսես Հակոբյանի հետ եղել է նաև ԼՂՀ Պաշտպանության բանակի մի շարք զորամասերում և առաջին գծում՝ տեղում ծանոթանալով բանակաշինության ընթացիկ գործընթացին ու ԼՂՀ և Ադրբեջանի ԶՈՒ շփման գծի իրավիճակին:
Հատուկ ուշադրություն է դարձվել ինժեներների կողմից առաջին գծում կատարվող ռազմական հերթապահության կազմակերպմանը և համաբանակային նշանակության աշխատանքներին ու այլ գործընթացներին:-0-
