ԵՐԵՎԱՆ, 8 փետրվարի. /Նովոստի-Արմենիա/. Ամենայն Հայոց Գարեգին Բ Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը և Հայաստանի Աստվածաշնչային ընկերությունը լույս են ընծայել «Ավետարանի գործող անձինք» աստվածաշնչային բառարան, տեղեկացնում է Մայր Աթոռի տեղեկատվական համակարգը։
Բառարանի հեղինակներն են Մայր Աթոռի միաբաններ Ռուբեն աբեղա Զարգարյանը և Շահե աբեղա Անանյանը:
«Բառարանում ընդգրկված են Ավետարաններում հանդիպող անձնանունները, նշված են համապատասխան ավետարանական տեղերը, բերված են գրաբար և աշխարհաբար հատվածները»,- ասվում է հաղորդագրությունում։
Բառարանը հրատարակվել է մեկենասությամբ Վլադիմիր Ենգիբարյանի և Բելա Ժամգարյանի: -0-
