ԵՐԵՎԱՆ, 23 փետրվարի./Նովոստի-Արմենիա/. Հայաստանի ֆուտբոլի ազգային հավաքականը ծրագրում է ընկերական հանդիպում անցկացնել Արգենտինայի հավաքականի հետ:
«Կարող եմ ասել, որ Հայաստանի և Արգենտինայի ազգային հավաքականների միջև ընկերական հանդիպում անցկացնելու բանակցություններ են տարվում: Խոսքը Արգենտինայի հիմնական կազմի մասին է»,- «Նովոստի-Արմենիա» գործակալությանն ասաց ՀՖՖ գործադիր տնօրեն Արմեն Մինասյանը:
Ըստ նրա՝ հանդիպումը ծրագրվում է անցկացնել Հայաստանում, հանդիպման օրն առայժմ անհայտ է:
Արգենտինայի հավաքականը, որի մարզիչը լեգենդար Դիեգո Մարադոնան է, զբաղեցնում է 8-րդ տեղը ՖԻՖԱ-ի ընթացիկ վարկանիշում: Հայաստանի հավաքականը զբաղեցնում է 102-րդ հորիզոնականը:-0-
