ԵՐԵՎԱՆ, 25 փետրվարի. /Նովոստի-Արմենիա/. Փետրվարի 26-ին ԵՊՀ-ում տեղի կունենա ճապոնական իկեբանա ծաղկարվեստի և թեյախմության ցուցադրություն, ինչպես նաև ճապոնական սումիե ոճի գեղանկարչության վարպետության դասընթաց:
Ինչպես «Նովոստի-Արմենիա» գործակալությանը հայտնեցին ԵՊՀ տեղեկատվության և հասարակայնության հետ կապերի բաժնից, միջոցառման կազմակերպիչներն են Ռուսաստանի Դաշնությունում Ճապոնիայի դեսպանատունը և ԵՊՀ միջազգային համագործակցության վարչությունը:
Միջոցառման առաջին օրը` փետրվարի 26-ին, ԵՊՀ Պալեանների դահլիճում տեղի կունենա թեյախմություն:
Կիրակի մասնակիցները կկարողանան մասնակցել նկարչուհի Միդորի Յամադայի սումիե ոճի նկարչության դասին:-0-
