ԵՐԵՎԱՆ, 1 մարտի. /Նովոստի-Արմենիա/. Հայաստանում մի երիտասարդ թունավորվել է պահածոյացված պոմիդորից, երկուշաբթի հաղորդում է ՀՀ ԱԻՆ Փրկարար ծառայությունը:
«Փետրվարի 26-ին ԱԻՆ ահազանգ է ստացվել այն մասին, որ Գյումրիի 28-ամյա բնակիչ Պողոս Գրիգորյանը սննդային թունավորում (բոտուլիզմ) ախտորոշմամբ տեղափոխվել է Գյումրիի ինֆեկցիոն հիվանդանոց է: Նախնական տվյալներով` թունավորման պատճառը եղել է պահածոյացված պոմիդորը», - ասվում է տեղեկատվության եմջ:
Բժիշկների կողմից տուժածի վիճակը գնահատվել է ծանր:-0-
