ԵՐԵՎԱՆ, 4 մարտի. /Նովոստի-Արմենիա/. ՀՀ կառավարությունը հինգշաբթի նիստի ժամանակ հավանության է արժանացրել Քուվեյթի կառավարության հետ «Տնտեսական, գիտական և տեխնիկական համագործակցության մասին» համաձայնագրի կնքումը:
Ինչպես տեղեկացրեց ՀՀ էկոնոմիկայի փոխնախարար Մուշեղ Թումասյանը, համաձայնագիրն ուղղված է երկրների միջև բարեկամական հարաբերությունների զարգացմանը, տնտեսական, տեխնիկական և գիտական գործընկերության ընդլայնմանը:
Համաձայնագրով նաև նախատեսվում է, որ կողմերը միջոցներ են ձեռնարկում տնտեսության և առևտրի ամրապնդման և դիվերսիֆիկացման համար:-0-
