ԵՐԵՎԱՆ, 19 մարտի. /Նովոստի-Արմենիա/. Հայաստանի ֆուտբոլի գործող չեմպիոն Երևանի «Փյունիկը» պայմանագիր է կնքել բելառուս դարպասապահ Արթուր Լեսկոյի հետ:
«Փյունիկի» ավագ մարզիչ Վարդան Մինասյանի խոսքերով՝ պայմանագիրը կնքվել է մեկ տարով: Վերջերս ավարտվել է Լեսկոյի և Կրիվոյ Ռոգի «Կրիվբասի» միջև կնքված պայմանագրի ժամկետը:
«Փյունիկի» նոր դարպասապահը 26 տարեկան է: Նա հանդես է եկել Բելառուսի երիտասարդական հավաքականում և որոշ տվյալների համաձայն՝ ազգային հավաքականի թեկնածու է:-0-
