ԵՐԵՎԱՆ, 29 մարտի. /Նովոստի-Արմենիա/. Հայաստանը վճռականորեն դատապարտում է ահաբեկչության ցանկացած դրսևորում, ասվում է Հայաստանի նախագահ Սերժ Սարգսյանի՝ իր ռուս գործընկեր Դմիտրի Մեդևեդևին Մոսկվայի մետրոյում տեղի ունեցած պայթյունների կապակցությամբ հղած ցավակցական ուղերձում։
Հեռագրում նախագահն իր անկեղծ ցավակցությունն է հղել Մոսկվայի մետրոպոլիտենում կատարված ահաբեկչության բազմաթիվ զոհերի կապակցությամբ։
«Հայաստանը վճռականապես դատապարտում է ահաբեկչութան ցանկացած դրսևորում: Եկել է ժամանակը` միջազգային հանրության համատեղ և անզիջում գործողություններով արմատախիլ անելու արդի ժամանակների այս չարիքը: Վստահ եմ, որ կարվի ամեն հնարավորը` բացահայտելու եւ պատասխանատվության ենթարկելու դրա կազմակերպիչներին»,- նշել է Սարգսյանը։
Հայաստանի նախագահը խնդրեց նաև կարեկցանքի խոսքեր փոխանցել զոհվածների հարազատներին և մտերիմներին:
«Սգում ենք Ձեր ևբոլոր ռուսաստանցիների հետ»,- ասվում է հեռագրում: -0-
