ԵՐԵՎԱՆ, 30 մարտի. /Նովոստի-Արմենիա/. Հայաստանի նախագահ Սերժ Սարգսյանը նոր դեսպաններ է նշանակել Ռումինիայում և Քուվեյթում։
Ինչպես «Նովոստի-Արմենիա» գործակալությանը հայտնեցին նախագահի մամուլի ծառայությունից, Սերժ Սարգսյանը մարտի 29-ին հրամանագիր է ստորագրել Եղիշե Սարգսյանին Ռումինիայում ՀՀ արտակարգ և լիազոր դեսպանի պարտականություններից ազատելու և Համլետ Գասպարյանին այդ երկրում ՀՀ արտակարգ և լիազոր դեսպան նշանակելու մասին (նստավայրը՝ Բուխարեստ)։
Նախագահի մեկ այլ հրամանագրով Վահագն Մելիքյանն ազատվել է Քուվեյթում ՀՀ արտակարգ և լիազոր դեսպանի պարտականություններից, իսկ Ֆադեյ Չարչօղլյանը նշանակվել է այդ երկրում ՀՀ արտակարգ և լիազոր դեսպան (նստավայրը՝ Էլ Քուվեյթ):-0-
