ՍԱՆԱՀԻՆ, 13 ապրիլի. /Նովոստի-Արմենիա/. Հայաստանի վարչապետ Տիգրան Սարգսյանը երեքշաբթի հանրապետության Լոռու մարզ կատարած այցը սկսել է Սանահին վանահամալիրից։
Սանահին համալիրը հիմնվել է 10-րդ դարում։ 2000 թվականին այն ընդգրկվել է ՅՈՒՆԵՍԿՕ-ի Համաշխարհային մշակութային ժառանգության ցուցակում։
«Վարչապետն աղոթեց վանական համալիրում և մոմ վառեց»,- տեղեկացնում է «Նովոստի-Արմենիա» գործակալության թղթակիցը։
Կառավարության ղեկավարի՝ Լոռու մարզ այցի շրջանակներում ծրագրված են նաև այցելություններՄիկոյան եղբայրների տուն-թանգարան, Սանահին գյուղի միջնակարգ դպրոց և ACP պղնձաձուլման համալիր։
Ծրագրված է նաև կառավարության ղեկավարի հանդիպումը Լոռու մարզում Հայաստանի Հանրապետական կուսակցության ակտիվին։ -0-
