ԵՐԵՎԱՆ, 16 հուլիսի./Նովոստի-Արմենիա/. ՌԴ վարչապետի տեղակալ Ալեքսանդր Ժուկովը շաբաթ օրը Հայաստան կժամանի, հաղորդում է հայկական կառավարության մամուլի ծառայությունը։
Այցի շրջանակներում ծրագրված է Ժուկովի հանդիպումը ՀՀ վարչապետ Տիգրան Սարգսյանի հետ ։
Ծրագրված է նաև երկկողմանի փաստաթղթերի ստորագրում, մասնավորապես՝ երկու երկրների օլիմպիական կոմիտեների միջև համաձայնագիր։
Նախատեսված է նաև Սարգսյանի և Ժուկովի համատեղ մամուլի ասուլիսը։ -0-
