ՍՏԵՓԱՆԱԿԵՐՏ, 8 փետրվարի. /Նովոստի-Արմենիա/. ԼՂՀ պաշտպանության նախարարության մամուլի ծառայությունը երկուշաբթի հաղորդագրություն է տարածել ադրբեջանցի զինծառայողների կողմից հրադադարի ռեժիմի խախտման վերաբերյալ։
Հաղորդագրության համաձայն` հրադադարի ռեժիմի խախտման դեպքերն արձանագրվել են փետրվարի 6-7-ը և օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում։
«Հակառակորդը փոքր տրամաչափի հրաձգային զենքերից և դիպուկահար հրացաններից գնդակոծել է Հորադիզ, Մեհդիլի, Չախրլը, Նուզգեր, Կարախանբեյլի, Քարվենդ, Նովրուզլու, Շուրաբադ, Քենգեռլի, Շխլար, Ջրաբերդ և Թալիշ ուղղություններում տեղակայված ղարաբաղյան դիրքապահների հենակետերը»,- ասվում է հաղորդագրությունում։
Մամուլի ծառայությունից հայտնեցին, որ պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է: -0-
