ՍՏԵՓԱՆԱԿԵՐՏ, 4 մարտի. /Նովոստի-Արմենիա/. Արցախի Հանրապետության Նախագահ Բակո Սահակյանը մարտի 4-ին այցելել է Մարտակերտ շրջկենտրոն, որտեղ ծաղկեպսակներ է դրել արցախյան ազատամարտի հրամանատարներ Վլադիմիր Բալայանի և Սասուն Հակոբյանի հուշարձաններին, ինչպես նաև եղել տեղի Վլադիմիր Բալայանի անվան միջնակարգ դպրոցում և ծանոթացել ուսման պայմաններին:

Ինչպես «Նովոստի-Արմենիա» գործակալությանը տեղեկացրեցին ԼՂՀ նախագահի աշխատակազմի տեղեկատվության գլխավոր վարչությունից, շրջկենտրոնից նախագահը ուղևորվել է Մեծ Շեն գյուղ:

Բակո Սահակյանը հանդիպել է գյուղի բնակչության հետ, հետաքրքրվել է գյուղում առկա հիմնախնդիրներով: Երկրի ղեկավարը հանձնարարել է հանրապետական եւ շրջանային համապատասխան կառույցներին հնարավորինս կարճ ժամկետում լուծել գյուղի ջրամատակարարման խնդիրը: -0-