ՍՏԵՓԱՆԱԿԵՐՏ. /Նովոստի-Արմենիա/. Մարտի 29-ին Արցախի Հանրապետության նախագահ Բակո Սահակյանը ցավակցական ուղերձ է հղել Ռուսաստանի Դաշնության նախագահ Դմիտրի Մեդվեդևին` Մոսկվայի մետրոպոլիտենում տեղի ունեցած ահաբեկչական գործողության կապակցությամբ, տեղեկացնում են ԼՂՀ նախագահի մամուլի ծառայությունից:
Ուղերձում ասված է. «Արցախի Հանրապետության ժողովրդի, իշխանությունների և անձամբ իմ անունից անկեղծ ցավակցություն և զորակցություն եմ հայտնում Ձեզ և Ռուսաստանի եղբայրական ժողովրդին Մոսկվայի մետրոպոլիտենում տեղի ունեցած չարամետ ահաբեկչական գործողության կապակցությամբ, որը տասնյակ անմեղ քաղաքացիների կյանքեր է խլել:
Այս համաժողովրդական վշտի պահին մենք ձեզ հետ կիսում ենք կորստի ցավը, հոգու արիություն և տոկունություն մաղթում զոհվածների հարազատներին ու մերձավորներին»: -0-
