ՍՏԵՓԱՆԱԿԵՐՏ, 30 մարտի. /Նովոստի-Արմենիա/. ԼՂՀ պաշտպանության նախարարության մամուլի ծառայությունը երեքշաբթի հաղորդել է ադրբեջանցի զինծառայողների կողմից հրադադարի խախտման մասին:
Հաղորդագրության համաձայն՝ հրադադարի ռեժիմի խախտման դեպքերն արձանագրվել են մարտի 29-ի լույս 30-ի գիշերը և օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում:
«Հակառակորդը հրաձգային զենքերից և դիպուկահար հրացաններից գնդակոծել է Կորգան, Կարախանբեյլի, Բաշ Քարվենդ, Ջրաբերդ և Թալիշ ուղղություններում տեղակայված ղարաբաղյան դիրքապահների հենակետերը»,- ասվում է հաղորդագրության մեջ:
Մամուլի ծառայությունից նշեցին, որ պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է:--0—
