ՍՏԵՓԱՆԱԿԵՐՏ, 30 հուլիսի. /Նովոստի-Արմենիա/. Լեռնային Ղարաբաղի Հանրապետության նախագահ Բակո Սահակյանը հինգշաբթի հանդիպել է սփյուռքահայ երիտասարդության ներկայացուցիչներին, ովքեր մասնակցում էին «Ասպետ» ռազմամարզական ճամբարին, տեղեկացնում է Արցախի Հանրապետության նախագահի աշխատակազմի տեղեկատվության գլխավոր վարչությունը։
«Պետության ղեկավարը կարևորել է սփյուռքահայ երիտասարդության մասնակցությունը հայրենիքում կազմակերպվող նմանատիպ նախաձեռնություններին՝ անվանելով դա հայրենասիրական դաստիարակության և Հայրենիքի ու Սփյուռքի միջև կապերի ամրապնդման առանցքային բաղկացուցիչներից մեկը»,- ասվում է հաղորդագրությունում։
Հանդիպմանը ներկա է եղել Արցախի կրթության և գիտության նախարար Վլադիկ Խաչատրյանը։ -0-
