ՍՏԵՓԱՆԱԿԵՐՏ, 30 հուլիսի. /Նովոստի-Արմենիա/. ԼՂՀ պաշտպանության նախարարության մամուլի ծառայությունը ուրբաթ հաղորդել է ադրբեջանցի զինծառայողների կողմից հրադադարի ռեժիմի խախտման մասին:
Հաղորդագրության համաձայն՝ հրադադարի ռեժիմի խախտման դեպքերն արձանագրվել են հուլիսի 29-ի լույս 30-ի գիշերը և ուրբաթ օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում:
«Հակառակորդը հրազենից և դիպուկահար հրացաններից գնդակոծել է Հորադիզ, Քարվենդ, Բաշ-Քարվենդ, Սեյսուլան, Թալիշ և այլ ուղղություններում տեղակայված ղարաբաղյան դիրքապահների հենակետերը»,- ասվում է հաղորդագրության մեջ:
Մամուլի ծառայությունից նշեցին, որ Ղարաբաղի Պաշտպանության բանակի զինծառայողների կողմից ձեռնարկված պատասխան գործողություններից հետո հակառակորդը լռել է:--0—
