ՍՏԵՓԱՆԱԿԵՐՏ, 1 սեպտեմբերի. /Նովոստի-Արմենիա/. «Լավագույն մարզական ընտանիք» մրցույթն անցկացվել է Լեռնային Ղարաբաղի Հանրապետության մայրաքաղաք Ստեփանակերտի փոքր ստադիոններերից մեկում:
Ինչպես հայտնում է «Նովոստի-Արմենիա» գործակալության թղթակիցը Ստեփանակերտից, մրցությանը մասնակցել է երեք ընտանիք, որոնք ճանաչվել են հանրապետական մրցույթների լավագույն մարզական ընտանիքները:
Ամեն թիմ իր մեջ ներառել է ընտանիքի երեք անդամ՝ հորը, մորը և երեխային: Մրցակցության մասնակիցներն իրենց ուժերն են չափել չորս վարժություններում՝ թռիչք տեղից, գնդակի նետում դեպի զամբյուղ, պարանի ձգում և խաղային հերթափոխություն:
Մրցակցությունների տվյալներով, առաջին պատվավոր տեղը զբաղեցրել է Մելքումյանների ընտանիքը, երկրորդը՝ Դոլուխանյանների ընտանիքը, երրորդ տեղին է արժանացել Գալստյանների ընտանիքը:
Մրցույթի մասնակիցներին նվերներ և խրախուսական պարգևատրումներ են հանձնվել:
«Լավագույն մարզական ընտանիք» մրցույթի կազմակերպիչն է ԼՂՀ կառավարությանն առընթեր Սպորտի պետական կոմիտեն: -0-
