ԵՐԵՎԱՆ, 11 օգոստոսի. /Նովոստի-Արմենիա/. Միլիցիայի հնարավոր անվանափոխությամբ զբաղվող աշխատանքային խումբ կստեղծվի Ուկրաինայի ներքին գործերի նախարարությունում, հաղորդել է գերատեսչության ղեկավար Կոնստանտին Ստոգնիի գլխավոր խորհրդականը։
Ուկրաինական միլիցիայի հնարավոր անվանափոխման մասին խոսել են նաև ավելի վաղ, բայց որոշակի քայլեր որ ոք չի ձեռնարկել։
Ռուսաստանի նախագահ Դմիտրի Մեդվեդևն օրերս հանդես է եկել Ռուսաստանի իրավապահ մարմինները ոստիկանության անվանափոխելու նախաձեռնությամբ։ Ըստ նրա, «ժամանակն է միլիցիային վերադարձնել իր նախկին անվանումը և հետագայում իրավապահ մարմինները ոստիկանություն կոչել»։
Աշխատանքային խումբը պետք է որոշի, թե ֆինանսական տեսանկյունից որքան ծախսատար կլինի դա (գումար է պետք նոր բլանկների, տպագրության, ձևի, ցուցանակների համար)։ «Պետք է կողմնորոշվել անվան վերաբերյալ, քանի որ «ոստիկանություն» բառը չի կարող օգտագործվել՝ Ուկրաինայում ոստիկաններին ըստ ավանդույթի կարող են «պոլիցայ» կոչել»,- Ստոգնիին է բեջբերում «Սեգոդնյա» («Այսօր») ուկրաինական թերթը։
Նա խոստացել է, որ ՆԳՆ կայքում այդ գաղափարի օն-լայն քննարկում կբացվի։ -0-
