ԵՐԵՎԱՆ, 11 մարտի. /Նովոստի-Արմենիա/. Հայոց ցեղասպանությանը նվիրված «Մոխիրն ու փյունիկը» փաստավավերագրական ֆիլմի ցուցադրությունը տեղի ունեցավ չորեքշաբթի Բեռլինի «Գերմանիայի պատմական թանգարանի» կինոդահլիճում, տեղակցնում է Հայաստանի ԱԳՆ մամուլի ծառայությունը։
Ֆիլմը նկարահանվել է«Blankfilm» ընկերության կողմից Գերմանական հանրապետական մշակութային հիմնադրամի ֆինանսական աջակցությամբ՝ հայտնի հրապարակախոս և գիտնական Յոհաննես Լեփսիուսի 150-ամյակի առթիվ։
Պրեմիերայից հետո խոսքով հանդես եկան Գերմանիայում Հայաստանի դեսպան Արմեն Մարտիրոսյանը և ֆիլմի ռեժիսոր պարոն Սոլախանը։
Ելույթներին հետևեց մտքերի փոխանակում, որի ընթացքում դեսպան Արմեն Մարտիրոսյանը պատասխանեց միջոցառման մասնակիցների հարցերին:
Միջոցառմանը ներկա էին Գերմանիայի քաղաքական գործիչներ, դիվանագիտական կորպուսի և գերմանահայ համայնքի ներկայացուցիչներ:--0--
