ԵՐԵՎԱՆ, 24 մարտի. /Նովոստի-Արմենիա/. Մարսելում Ֆրանսիայի պատմական հուշարձանների կենտրոնի, Մարսելի երիտասարդության և մշակույթի հայկական տան և «Կիլիկիա» ասոցիացիայի կողմից կազմակերպվել է «Հայաստանի 12 մայրաքաղաքները» խորագրով լուսանկարչական ցուցահանդեսն ու նույնանուն գրքի շնորհանդեսը:
Ինչպես «Նովոստի-Արմենիա» գործակալությանը տեղեկացրեցին ՀՀ մշակույթի նախարարության մամուլի ծառայությունից, լուսանկարչական այս ցուցահանդեսը և նորատիպ գիրքը հիանալի հնարավորություն են ընձեռում ֆրանսիացիներին ծանոթանալու հայոց պատմության էջերին:
Լուսանկարչական ցուցահանդեսին որպես լուսանկարների հեղինակ մասնակցել է ՀՀ մշակույթի նախարարության Սերգեյ Փարաջանովի թանգարանի տնօրեն Զավեն Սարգսյանը:-0-
