Երևանից մեկնարկել են ուղիղ չվերթեր դեպի նիդերլանդական Էյնդհովեն
ԵՐԵՎԱՆ, 27 հոկտեմբերի․ /Նովոստի–Արմենիա/․ «Wizz Air» ավիաընկերությունը հոկտեմբերի 26-ից մեկնարկել է ուղիղ չվերթեր Երևանի և նիդերլանդական Էյնդհովենի միջև։
«Զվարթնոց» միջազգային օդանավակայանի պաշտոնական կայքից տեղեկանում ենք, որ Երևան-Էյնդհովեն ուղիղ չվերթերը կիրականացվեն շաբաթական 3 չվերթ հաճախականությամբ՝ յուրաքանչյուր երկուշաբթի, չորեքշաբթի և ուրբաթ:
Չվերթերն իրականացվում են դեպի Էյնդհովենի միջազգային օդանավակայան։
Նիդերլանդական օդանավակայանի տեղեկատվության համաձայն՝ չվերթն իրականացվում է 239 ուղևորատեղ ունեցող Airbus A321neo տիպի օդանավով։
Նոր ուղղության մասին հայտարարվել էր 2026 թվականի մարտին։ Այն ժամանակ Wizz Air-ը հայտնել էր նաև 2027 թվականի փետրվարից Երևանի և բելգիական Շառլեռուայի միջև ուղիղ ավիահաղորդակցություն բացելու ծրագրերի մասին։ Չվերթերը նույնպես նախատեսված են շաբաթական երեք անգամ։
Կարդացեք նաև․ ՀՀ–ում՝ գիշերը բարձրաձայն չերգել, Շվեյցարիայում՝ միայնակ ծովախոզուկ չպահել․ 7 անսովոր կանոն (ՖՈՏՈ)
