«Ոսկե գնդակ-2026» անհատական մրցանակի նոր ֆավորիտ է հայտնվել

ԵՐԵՎԱՆ, 1 մայիսի․/Նովոստի-Արմենիա/․ «Ոսկե գնդակ» հեղինակավոր անհատական մրցանակի գլխավոր հավակնորդների ցանկը կրկին փոփոխվել է, հատկապես՝ Չեմպիոնների լիգայի ընթացիկ մրցաշրջանի ֆոնին։

Անգլիացի Հարի Քեյնն այլևս չի համարվում մրցանակի ստացման ֆավորիտ։ Վարկանիշային աղյուսակը գլխավորել է ֆրանսիացի Ուսման Դեմբելեն։

«ՊՍԺ»-ի ֆուտբոլիստը առաջին հորիզոնական է բարձրացել Չեմպիոնների լիգայի կիսաեզրափակիչներից հետո, հայտնում է «Новини.LIVE» պորտալը՝ հղում անելով «Le Parisien»-ին։

Չեմպիոնների լիգայի առաջին կիսաեզրափակիչները փոխել են ուժերի դասավորությունը «Ոսկե գնդակ-2026»-ի նվաճման կանխատեսումներում։ Անգլիայի հավաքականի ավագ Հարի Քեյնը, որը գլխավորում էր վարկանիշը, տեղափոխվել է երկրորդ հորիզոնական։ Առաջին տեղը զբաղեցրել է նոր ֆավորիտը։

Մյունխենի «Բավարիան» արդեն նվաճել է Գերմանիայի չեմպիոնական տիտղոսը, իսկ Քեյնը դարձել է 54 գոլի և 7 գոլային փոխանցման հեղինակ: «ՊՍԺ»-ն կարող է ձևակերպել տիտղոսը մոտ ժամանակներս: Դեմբելեն այս մրցաշրջանում կա ունի կատարած 18 գոլ և 10 գոլային փոխանցում:

«Ոսկե գնդակ-2026» մրցանակաբաշխությունը տեղի կունենա հոկտեմբերի 26-ին:

«Ոսկե գնդակ-2026»-ի հավակնորդները.

-Դեմբելե («ՊՍԺ», Ֆրանսիա)

-Քեյն («Բավարիա», Անգլիա)

-Ռայս («Արսենալ», Անգլիա)

-Յամալ («Բարսելոնա», Իսպանիա)

-Օլիսե («Բավարիա», Ֆրանսիա)