Փլուզում՝ Երևանում․ կան տուժածներ
28.10.2026,
20:00
Երևանի տներից մեկում փլուզում է տեղի ունեցել, կան տուժածներ
ԵՐԵՎԱՆ, 28 հոկտեմբերի․/Նովոստի–Արմենիա/․ Այսօր փլուզում է տեղի ունեցել Երևանում։
Ինչպես հայտնում է Փրկարար ծառայությունը, ժամը 18։17-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևանի Երվանդ Օտյան փողոցի տներից մեկում տեղի է ունեցել փլուզում․ կան տուժածներ։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական, կինոլոգիական և Հոգեբանական աջակցության և բժշկական ապահովման վարչության հերթապահ խմբերը։
Փլատակներից դուրս է բերվել երկու քաղաքացի, որոնք հոսպիտալացվել են։
Պատճենել հղումը
